Góðir stjórnarhættir

Við hjá Orkunni leggjum ríka áherslu á að fylgja góðum stjórnarháttum og metum það sem lið í að skapa gott og traust samtal við hagaðila félagsins ásamt viðskiptavinum. Stjórnarhættir okkar eru í samræmi við lög og reglur sem gilda um starfsemi félagsins. Stjórn og stjórnendur Orkunnar hafa unnið markvisst að því að rýna og móta innri reglur félagsins með það að markmiði að þær séu í samræmi við leiðbeiningar Viðskiptaráðs. Endurskoðunarfélag Orkunnar er KPMG og er Matthías Þór Óskarsson endurskoðandi félagsins.

Helstu upplýsingar um starfsemi Orkunnar

Orkan IS var stofnuð í kjölfar uppskiptingar Skeljungs hf. þann 1. desember 2021.

Starfsemi Orkunnar snýr að því að þjónusta ökutæki með einföldum og snjöllum hætti, bjóða lægsta verð í öllum landshlutum og ákveðnum hlutum höfuðborgarsvæðisins, hraðari hleðslu og besta bílaþvottinn ásamt því að selja og bjóða viðhaldsþjónustu við bílaþvottavélar til þriðja aðila. Við leggjum áherslu á að veita viðskiptavinum bestu þjónustuupplifun á sjálfsafgreiðslustöðvum.

Orkan rekur 72 fjölorkustöðvar um land allt, þar af tíu fjölorkustöðvar sem bjóða upp á auk jarðefnaeldsneytis vetni, metan og/eða rafhleðslu á ökutæki. Við viljum stuðla að virkri samkeppni og keppum á verðum en það hefur verið áhersla hjá Orkunni allt frá stofnunn árið 1994. Hjá Orkunni eru 10 afsláttarlausar stöðvar, þar sem viðskiptavinum býðst lægsta eldsneytisverðið í því bæjarfélagi. Afsláttarlausu Orkustöðvarnar eru staðsettar á Dalvegi í Kópavogi, Reykjavíkurvegi og Einhellu í Hafnarfirði, Bústaðarvegi, Skógarhlíð, Suðurfelli og Kleppsvegi í Reykjavík, Mýrarvegi á Akureyri, Suðurlandsvegur á Selfossi og Brúártorg í Borgarnesi.

Orkustöðvar eru um allt land en með Orkulyklinum býðst viðskiptavinum 12 kr. afsláttur af lítranum og kWh sem tryggir þannig lykilhöfum okkar lágt verð allann hringinn. Viðskiptavinir okkar geta einnig nýtt orkuna í góðu málin og styrkt ýmis góðgerðarmálefni og íþróttafélög með því að tengja Orkulykilinn við málefnið og þannig látið gott af sér leiða í hvert sinn sem þeir dæla.

Orkan á og rekur Löður sem er þjónustufyrirtæki, leiðandi á markaði í bílaþvotti fyrir ökutæki á einstaklings- og fyrirtækjamarkaði. Þjónustustöðvar Löðurs eru 11 talsins á landinu; ein í Reykjanesbæ, ein í Vestmannaeyjum og 9 á höfuðborgarsvæðinu.

Framkvæmdastjórn

Auður Daníelsdóttir

Auður Daníelsdóttir: Fædd árið 1969. Auður var ráðin forstjóri Orkunnar IS ehf. í júlí 2022. Sem forstjóri heyrir hún beint undir stjórn og ber ábyrgð á rekstri félagsins gagnvart henni, þ.m.t. reikningsskilum, færslu bókhalds, samskipti við banka, afla nýrra viðskiptasambanda og viðhalda þeim sem eru fyrir, þróa vöru- og þjónustuframboð félagsins, þar sem áhersla er á vöxt þess, auk alls annars sem varðar starfsemi félagsins.

Guðmundur Ingi Þorsteinsson

Guðmundur Ingi Þorsteinsson: Fæddur árið 1980. Guðmundur Ingi var ráðinn framkvæmdastjóri sölu og þróunar hjá Orkunni IS í október 2023 eftir að hafa starfað sem forstöðumaður þróunar hjá Orkunni frá september 2022. Í starfi sínu ber hann ábyrgð á sölu- og þróunarmálum, rafmagni og upplýsingatæknimálum ásamt daglegum rekstri þessara eininga.

Inga Hrund Arnardóttir

Inga Hrund: Fædd árið 1979. Inga var ráðin fjármálastjóri Orkunnar IS ehf. í nóvember 2022. Í starfi sínu ber hún ábyrgð á gerð reikningsskila, mánaðar- og ársfjórðungsuppgjöra, áætlanagerðar, fjárstýringu, daglegum rekstri og stjórnun fjármálasviðs.

Sigurður Vífill Ingimarsson

Sigurður Vífill Ingimarsson: Fæddur árið 1977. Vífill var ráðinn framkvæmdastjóri rekstrarsviðs Orkunnar í árslok 2021. Undir rekstrarsviði heyra allar þjónustustöðvar Orkunnar, samskipti við samstarfsfélaga Orkunnar um allt land ásamt umsjón með framkvæmda- og viðhaldsdeild.

Stefnurnar okkar

GÆÐASTEFNA JAFNLAUNASTEFNA MANNAUÐS- OG JAFNRÉTTISSTEFNA ÖRYGGISSTEFNA UMHVERFISSTEFNA GAGNASTEFNA SAMFÉLAGSSTEFNA- OG SIÐAREGLUR PERSÓNUVERNDARSTEFNA ÁHÆTTUSTEFNA STARFSKJARASTEFNA VELFERÐARSTEFNA SIÐAREGLUR BIRGJA

Stjórnarmenn

Ásgeir Helgi Reykfjörð Gylfason

Ásgeir Helgi Reykfjörð Gylfason tók fyrst sæti í stjórn Orkunnar sem stjórnarformaður í ágúst 2022. Ásgeir er fæddur árið 1982 og er með Meistaragráðu og B.A. gráðu í lögfræði frá Háskólanum í Reykjavík og lögmannsréttindi. Hann starfar sem forstjóri forstjóri SKEL fjárfestingafélags. Áður starfaði Ásgeir sem aðstoðarbankastjóri og framkvæmdastjóri fyrirtækja- og fjárfestingabankasviði Arion banka hf. á árunum 2019-2022.

Birna Einarsdóttir

Birna Einarsdóttir tók sæti í stjórn Orkunnar í september 2024. Hún er fædd 1961 viðskiptafræðingur frá Háskóla Íslands og með MBA frá Edinborgarháskóla. Birna kemur út fjármálageiranum starfaði síðast sem bankastjóri Íslandsbanka í 15 ár.

Magnús Ingi Einarsson

Magnús Ingi Einarsson tók fyrst sæti í stjórn Orkunnar í desember 2022. Magnús er fæddur árið 1981 og er með meistaragráðu í vélaverkfræði frá Virgina Tech og B.Sc. í vélaverkfræði frá Háskóla Íslands. Hann starfar sem fjármálastjóri SKEL fjárfestingafélags. Áður starfaði Magnús sem framkvæmdastjóri bankasviðs Kviku banka á árunum 2019-2022.